Tone Aanderaa Encounters...                  Belgisk triptyck Tone Aanderaa hadde si debututstilling i Noreg på Hardanger folkemuseum i 1989. Sundag 3. mai markerar ho 20 års jubileum med ei flott salsutstilling på same stad. Aanderaa har pendla ei stund mellom Hardanger og Belgia, og medan ho planla ny utstilling på Hardanger folkemuseum, fekk ho ein tanke om å invitera gjester; kunstnarar ho har vorte kjend med, som ho ville dela si begeistring for, og som ho ynskte skulle få oppleva Hardanger. Resultatet er 'Tone Aanderaa Encounters...' m/gjester frå Belgia - som vert å sjå på Hardanger folkemuseum 3. mai - 23. august 2009 Kunstnarane ho har invitert er den spanande papirkunstnaren Ingrid Siliakus frå Nederland, og fire kunstnarar frå Belgia; Anne-Marie Weyers, Laura Frennet, Paul Leroy og 'hyper-pointillisten' Marc. "Min egen opplevelse av nye impulser, et annet kunstnerisk miljø, kultur, historie og landskap, ble noe jeg hadde lyst å dele - at også andre skulle få oppleve. Kunstnerisk utveksling og samarbeid mellom Belgia og Norge ble en naturlig fortsettelse.” Kunstnarisk utveksling og samarbeid har og inspirert Aanderaa til å vera kurator for utstillinga 'Belgia Encounters Hardanger' på Hardanger kulturgalleri: 3. mai - 12. juli 2009. Seks kunstnarar frå Hardanger gjestar denne utstillinga, med ein smakebit på vidare planar: 'Encounters i Belgia'; Anne Hesvik-Kartveit (dekormåleri), Arne Bakke Mælen (trekunstnar), Aud Bækkelund (skulptur), Ingunn van Etten (skulptur/måleri), Johild Mæland (dekormåleri), og Solfrid Aksnes (collage). Tone Aanderaa er målar. Ho held til i Hardanger, og sidan 2007 og i Jodoigne, Belgia.- heimlandet til to av favorittane hennas innan målarkunsten, Réné Magritte og Paul Delveaux. Tone Aanderaas måleri pryder mellom anna Secret Gardens heimesider, notebøker, og DVDar. Fylkessjukehuset på Voss og Brooklyn Hospital har måleria hennas på veggane, og ved 'inngongsporten til Amerika' (Gateway) heng det to store bilete. Skrivinga har vore ein fast fylgjesven i alle år. Dikt og små historiar har ofte akkompagnert målinga. I 2004 gav ho ut romanen 'Det store puslespillet' (Eide forlag) - ei 'fantastisk' forteljing, som fekk ei uventa fortsetjing i den virtuelle verda Second Life. I 2007 vart 'Art Sanctuary' realisert i den virtuelle verdenen Second Life. Ein heil 'site' basert på bileta til Tone Aanderaa, der motiv og element vart omskapt til ei 3dimensjonal malt verd, i samarbeid med SL content designer Ignace Clarysse. 'Art Sanctuary' huser idag ei stor samling virtuelle måleri av Tone Aanderaa. Tone Aanderaa er kurator for utstillinga 'Tone Aanderaa Encounters' - og 'Belgia Encounters Hardanger' på Hardanger kulturgalleri i Noreg - og vidare i Belgia.

mail@hardanger.museum.no

Copyright © Hardanger folkemuseum 2002. All rights reserved.